每當有新朋友知道我做空姐之後都會問我:你最鐘意飛邊度？
其實愈做得耐 對於我黎講班機「飛邊度」並非重點，最重要都係個班機有好同事。
曾經聽過一個都市傳說，
係某亞洲航空公司，佢地既空姐每三個月先會轉一次機組人員名單，即係個三個月內，無論你飛邊度 都係同嗰一set crew一齊飛。
某日 一個剛入職既菜鳥空姐係派完餐後，仍然好勤力咁去應Call light同收垃圾; 當佢番入Galley既時候，見前輩們已經食緊野，由於已經係晚飯時間 佢又非常肚餓，菜鳥空姐都好有禮貌咁問前輩們:「請問我可以食我個員工餐嗎？」
最senior既前輩此時用眼尾望下菜鳥,然後指住一個方向講:「我一早準備好啦，放左係裡面。」然後其他幾個空姐不約而同地竊笑,因為個senior指既方向正正係 廁所。
據聞個位菜鳥空姐係幾日後就辭左職。
都市傳說 信則有不信則無，
好好彩地，自己飛左七年，俾人Hard time既次數五隻手指數得唒。(或者係俾人hard time左無為意🤔)
但最近一次飛長途既時候同左一個on list既阿姐飛，同佢傾計個時無乜野，但一開始做service個陣佢就好似上左身咁 不停俾壓力其他同事，一分鐘內撳幾次鐘要野，我隻腳仲未踏番入Galley，佢已經又再撳鐘話有個客想要杯Cappuccino。
做完個service之後，個胃突然覺得好唔舒服，仲有種𢲡住既感覺。可能因為番工之前無食晏，加上壓力太大，最後我成個rest period都訓唔著。休息完準備派第二餐時我本身諗住頂硬上，好彩有另一個好同事見我面青嘴唇白，佢知道我胃痛之後仲叫我休息一陣，俾左粒胃藥我食，過左一陣 我已經覺得舒服好多，可以正常工作。
自此之後，我個藥盒就多左胃藥呢一欄，
不過我當然只希望帶住佢傍身就夠啦！
最後祝大家身體健康，好同事一生平安。
想了解胃藥資訊，可以睇睇以下文字⬇️
幸福胃的素，速效紓胃配方，中和胃酸化胃氣，剎停𢲡胃痛，幫你回復狀態繼續衝！
有原味同檸檬薄荷味! 幸福胃的素知多啲: https://goo.gl/5sqq1H
Search